Dnes mnogo ľudi dumaje i planuje, koľko imať děti. Davno ľudi ne myslieli nad takymi temami, prosto každe děte bylo pomocne doma abo na polu. Ale nyni je to dla mladych ľudi seriozne pytanie.
Možna k toj teme podchodiť v sposob matematičny. Jesli imaš dva děti, prosto replikuješ se 1:1. Každe tvoje děte ima (teoretično) 50% tvoich genov. 50% + 50% = 100%, zatom tvoriš novu versiju sebe.
Jesli imaš toľko jedno děte, znižuješ procent svojich genov do 50%. Inymi slovami, redukuješ sebe v naslednim pokoleniu o pol. Ale jesli imaš tri děti, tvoje čislo genov raste do 150%. V tom pripade jest to pravdive množenie a ne toľko obyčna replikacija. A jesli imaš četiri děti to daje 200% normy (4 x 50%).
Večsina rodičov ne ima miesta v domu dla množstva novych členov familii. Ne ima takže času aby "pestovať" veliku grupu mladych ľudi. Dnesny standard v slovianskich krajinach to 2+2.
Jest odnako jeden člověk, ktory děla to "profesjonalno". Elon Musk ima 13 děti s raznymi četirima ženami. Vlastnik Tesli i mnogich inych firm, ima velmi bogaty familijny život. Jedno iz jego děti zove se "X Æ A-Xii", druge "Exa Dark Siderael" a ješče ine "Techno Mechanicus", kratko "Tau". Treba skazať že originalno.
Byvšy poľsky prezident, Lech Wałęsa takže ima mnogo potomstva - on imal 8 děti s jednoj ženou. Rod Stewart, britansky pevač takže 8 děti a Kevin Costner, amerikansky aktor, 7.
Čto dolžen dělať obyčny mužčyna v takom slučaju? Ja ne znam odgovoru na to pytanie.