Pamiatate film "Dobry rok"? Max Skinner, arogantny i uspiešny makler iz Nju Jorka, ktory "děla velike penize" každy deń, dediči stary vinograd vo Franciji po svojim vuju. Najprv choče go prodať. Ale kedy jede do starogo domu kde rasl, vrnuju jego spomeni.
Jest v tom filme jeden interesny motiv. Vuj uči malogo Maxa kak progravať. Je to divna forma učenia malych děti, ale jako uvidime v filme ona daje uspiechy. Každy raz kedy Max prograje v tenisa, vuj nakazuje mu plesať "tanec poražky". Ne "tanec pobedy" ale "poražky". Max nenavidi togo momenta ale děla što vuj kaže. Kida besno raketu o zemje i plesa.
Potom dorosly Max ne boji se progravať na biržy. Strach i alčnosť to največše čustva investorov. Kedy ograničavame strach, ziskujeme prednost nad inymi igračami bo umieme mysleť chladnej než nasi protivniky (ini investory).
Ale ten motiv može byť ješče bolje gluboki. Mentalnom problemom vsich ľudskich konfliktov može byť ne "alčnost podedy" ale "strach poražky". Obyčno mysli se že konflikty su o resursy, na priklad zemje, zlato (abo o ľubovogo partnera). Ale može ne ide o alčnost vlastnisťi resursa ale o strach progravania? Bolje bojime se prograť než bolje chočeme vygrať? Može ten resurs za ktory borime se s inymi ľudiami ne je varty borby? A kedy už začneme borbu, nema možnosti isti nazad. Može kedy by sme mogli studeno ocenjovať košt i zisk resursa ne byli by sme tak ochotni do nepotrebnogo boja.
Zavěr? Rodiče mogu lahko učiť děti ne tolko pobedy ale tež poražky. Ne bude to dla našich naslednikov velikom problemom kedy nekdy tež prograju.