Maciej Milach 23.09.2026
V tutom godu na odpusk jesm rabotal v fundaciji Koteria v Varšavě, kako opekun kotov. Koteria dělaje mnogo potrěbnu věč - kastrovanje kotov svobodno -živučih. Fundacija prijmaje godišno (ročno) několiko sot dikyh, gradskyh i selskyh kotov.
Podolg raznyh ogledov nedržavnyh organizaciji v Poljskě živut navet 950 tyseči bezdomnyh psov i kotov, iz togo ogromna čest to sut koti svobodnožijuče. Vyše než 40 procent kotov v uběžiščah nikogda ne bude adoptovana, 80 procent kotov v uběžiščah umirajut. V Poljskě nemaje uběžišč prěznačenyh toliko dlja kotov, čto dodatočno povyšajut bezpokojstvo, kogda koti živut razom s psami. Uměščanje zdravyh kotov, ktore dobro obhodet se vo selah i gradah, v uběžiščah, jest prisudžanjem jih na muky, ktore najčestěje končajut se smrtju.
Trěba razrazniti koti svobodnožijuče od kotov bezdomnyh. Kot bezdomny to jest taky, ktory iměl vlastnika, ale je byl opuščeny ili izgubil se. Takove koti hčut byti bliže člověka. I dobro čujut se v zaključenju. Kot svobodnoživuci od lět žive na svobodu. Ne potrěbuje budovati svezi s člověkom. Na žalost ove koti najčestěje umirajut v uběžiščah, ibo zaključenje smučajut je vyše. V tutom městu vhodi rolja nedržavnyh organizaciji i voluntaristov.
Jedna iz najvyše znanyh i cěnjenyh v Varšavě jest fundacija Koteria, ktora dělaje mnogo potrěbnu věč - kastrovanje kotov svobodno -živučih. Fundacija prijmaje godišno (ročno) několiko sot dikyh, svobodnožijučyh gradskyh i selskyh kotov.
Anglijska metoda NTR (skračenje od Shvati- kastruj -izpusti) to jest najvyše humanitarny i efektivny sposob kontrolovanja nasěljenja kotov svobodno-žijučih. Prvo koti sut hvatane do klětok- kotolovek od opekunov. Nastupno koti sut kastrovane v veterinarnyh klinikah ili fundacijah takovyh kako Koteria. Dalje koti sut izpuščane v městah svojego žitja, kde sut krmjene od svojih opekunov.
Poslě registrovanja, kot jest uměščeny v boljšu klětku, kde imajut vodu i krmu. Jestli je boljny, veterinari najprvo jego lěčet. Jestli ne, on je darmovo kastrovany, odčervovany, spaseny od bloh, vakcinirovany. Kotky (samice) poslě peti do sedmi dnev od operaciji, vračajut v město žitja s pomočju svojih opekunov. Koti poslě dvoh dnjev. V tom vrěmenu, jestli koti sut odomašnjenje/ krotke, fundacija oglaša je v internetu do adopcije. Množinstvo kotov ne sut dostatočno lagodne i zato one vračajut se do svojego žilišče i lovišče. Jednakže trohu kotov najdut se ljubovny dom, jestli ljudi, ktori je hočut prijmati, prějdut proceduru adopcije. I jestli oni imajut zabezpečenja okon i balkon.
Velmi važna podstava dějateljnosti fundaciji, bez kojej težko izobraziti sobě jej funkcionovanje, jest voluntarizm. Mnogo ljudij, raznogo vozrasta, od učenikov do dorastlyh služebnikov, hoče pomagati na razne sposoby kotom. Mnogo korporaciji, bankov, prisylajut svojih pracovnikov na voluntarism do funadaciji. Někoji iz njih pomagajut krmiti koti, čistiti klětky, dělati domča za kotov na zimu ili bavet se s kotami. Drugy voluntaristi pomagajut shvatiti koti svobodno-živuče, iskati i ustrajati dočasne domy dlja hranjencev, a takože zajmajut se širjenjem vědy o bezopasnym hvatanju svobodno-živenyh kotov, potrěbu jih kastrovanja i dějateljnosti fundaciji. Vsekde, kde jest to možno, na někakyh kolektivnyh dějanjah, koncertah itd.
Nerědko koti, koje pojavjajut se v Koteri iz ulice, sut boljne, ili daže imajut mnoge težke hvoroby, kak kotska levkemija ili kotsky hiv, někogda imajut gnile zuby. Često sut to koti odomašnjenje, koje ne imajut šans prěžitja na svobodu, bez opeky. V takom slučaju, voluntaristi dělajut v internetu sbirky pěnezy na operacije. Fundacija imajut takože vtoru centralu, kde živut koti smrtonosno boljne, na priměr slěpe, ili takove koje ne imajut nikakyh šans na adopcije.
V Poljskě od časa vojny na Ukrajinu živut mnogo Ukrajincev, zato jest normalno, že oni takože imajut domašne životiny- psi i koti. Kako služebnik Koterii jesm ne jedin raz govoril s Ukrajinci i koristil medžuslovjansky jezyk. S mojego izkušenja, najlěpši rezultat je byl v besědah s strašimi Ukrajincami, ktori toliko znali rosijski jezyk. Mladši čestěje dobro govoret na poljskom jezyku. V kontaktah s voluntaristami iz Ukrajiny i Bělorusi, takože medžuslovjansky dobro funkcionuje kako orudje vzajemnogo srazuměnja i považanja. Nastupny raz medžuslovjansky prověril se v praktičnoj komunikaciji.
Foto: avtor i strana fundaciji.
Adres fundacji Koteria:
ul. Chrzanowskiego 13, Warszawa 04-392, Poljska
https://koteria.org.pl/
https://www.facebook.com/KoteriaOrgPl