Maciej Milach 27.07.2025
Dvadeset petogo črvca 2025 goda, v časinu 8.31 (poljskogo vrěmena) Sławosz Uznański- Wiśniewski kako drugy Poljak v historiji, poletěl v kosmos s misijeju Axiom 4 v raketě Falcon 9 firmy Space X is kosmičnoj bazy Kennedy Space Center na Floridě.
Nastupno raketa iznesla kapsulu Dragon, ktora napravila se do Medžunarodnoj Kosmičnoj Stancije. Misija Axiom 4 potrva četyri tydnje i jest ustrajana/ organizovana v surabotě z NASA. V njej tečenju odbyla se takože prva poljska misija tehnologično- naučna Ignis. V uslovjah mikrogravitaciji Slawosz Uznański- Wiśniewski provedl několiko opytov/ eksperimentov.
Uznansky jest testoval polimernu sistemu uvaljnjanja lěkov v uslovjah mikorgravitaciji, da by prověriti statnost lěkov v kosmosu. Misija obhvačala biologične ogledy, v tom ogledy nad vlivom kosmičnoj obosobjenosti na psihiku astronavtov, a takože ogledy nad vlivom kosmičnoj radiacije na rastliny. V ramah misiji realizovano bogata obrazovateljna programa za dětij i mladeži, v tom prěnesenje za živo iz kosmičnoj stancije.
Poljsky astronavt vzel s soboju na orbitu poljsko, a voobče tipično slovjansko bljudo: pirogi. Na palubě Falcon 9 kromě Poljaka, našla se takože trojka astronavtov iz SŠA, Indije, Vugrije. Sławosz Uznański- Wiśniewski je tako prěmolvil iz orbity:
Dragy Poljki i Poljaki, dnes dělajemo veliki postup do budučnosti tehnologičnoj Poljsky, osnovanoj na nauku, znalosti i viziji. Nehaj tuta misija bude početkom epohy, v ktoroj smělost i neustuplivost budut formovati Poljsku za nas i budučih generaciji. Kosmos vsegda (je) sjedinjal ljudij. Zabirajut dnes s zemji čestku vsakogo iz vas, vašej sily, vašej naději, vašego dověrjenja.
Cěnno jest pripomněti, že prvy Poljak v Kosmosu je byl general Władysław Hermaszewski, koji v 1978 godu je učestvoval v rosijskoj misiji Sojuz 30 Salut 6. Od momenta upadka socializma nikaky drugy poljsky kosmonavt ne letěl v kosmos, až do dnes.
Zajmlivo, že Poljska, ktora zaplatila za lět Slavoša v kosmos, jegovogo prěbyvanje na kosmičnoj stancije, dvěstě osmdeset 280 milonov zlatyh, na konec ne imaje prava koristiti nazvy Ignis, prvoj Poljskoj misije na ISS, a takože razporedžati znakom, logo, navet prězimenom poljskogo astronavta. Vse tute prava naležet do Evropskoj Kosmičnoj agencije ESA. Ona rezervovala je ako znaky trgove. Absurdno takože, že najlěpši poljsky grafik, Andrzej Pagowski, zaprojektoval odličny plakat poljskoj misiji, ale na žalost ne možna go nikde v Poljskě legalno kupiti.
Zajmlivo, že mnogo ljudij komentujučih lět Slavosza v kosmos, na žalost takože iz Poljsky, sumněvaje se, že on istinno, na pravdu je byl na kosmičnoj stancije. Někoji myslet, že vsečto je bylo filmovano v studio, da by ljudij ne osvědomili se, že zemja jest pleska, a zvězdy sut toliko maljevani na planšet.